Ministri i Shëndetësisë, luftë kundër mushkonjave në ditën e Sulltan Novrusit
Ministri i Shëndetësisë Ilir Beqaj e ka festuar në Divjakë ditën e Sulltan Novruzit. Ai është fotografuar bashkë me familjen duke shëtitur me një varkë në Karavasta. Mjeku Petrit Vargu e ka ironizuar kështu ministrin e tij të Shëndetësisë në këtë udhëtim gjysëm pushim e gjysëm punë. Sepse mjeku thotë se ministri i tij ka shkuar atje për të parë si po ecën lufta kundër mushkonjave…
“E vetmja gjë që mungon nga detyrat për një shëndetësi efikase, është zhdukja e mushkonjave në zonën e Divjakës. Prandaj edhe në ditën e Sulltan Novruzit, ai ishte në krye të detyrës në luftën kundër mushkonjave, pavarësisht se frynte shumë erë dhe nuk kishte kokërr mushkonje. Më pas kurioziteti për të parë në moshën 50-vjeçare pelikanin kaçurrel, e shtyu të shkojë në anën tjetër të lagunës me një varkë që Garda nuk do ta lejonte kurrë, pasi nuk përmbush kushtet e ruajtjes së personaliteteve”, shkruan mjeku Petrit Vargu.
