Kryeqytetasit dhe shqiptarët e ardhur nga Kukësi apo qytete të tjera të Shqipërisë thonë se nuk do të largohen nga Drejtoria e Policisë Tiranë pa u liruar të arrestuarit.
“Kryeministri përdor të njëjtat terminologji që i kanë përdorur kundër tij kur ka bërë me shumë se kaq. Kjo ishte ngjarje e qytetarëve të thjeshtë, të rraskapitur ekonomikisht u shtohet edhe një barrë jetër për të paguar të pangopurit. Historikisht shteti shqiptar ka treguar se është i pazoti të kuptojë popullin e tij. Nëse dikush thotë vandal dhe ka bërë dhe më vandalizëm, atëherë është humor, i bëj thirrje qytetarëve se kjo nuk është peshë e Kukësit, pavarësisht se Kukësi na ka dhënë dritë, mirëpo barrën e Kukësit nuk e kemi shlyer ende, por kjo është cështje e Mirditës, Tropojës, Vlorës, e gjithë Shqipërisë. Vendi ka nevojë të qeveriset jo të qiviriset”, tha Erion Kristo, i pranishëm në protestë si një nga zërat më aktivë pro qytetarëve.
