Këto janë pamjet teksa rrëshqet Kodër Currila në Durrës, një nga zonat turistike më tërheqëse në qytetin bregdetar, e cila rrezikon të humbasë një pjesë të mirë të saj, për shkak të reshjeve të vazhdueshme.
Reshjet e shiut me intensitet të lartë që vazhdojnë pa pushim prej natës dhe orëve të para të mëngjesit, kanë provokuar rënien masive të dherave në drejtim të segmentit rrugor Univeristet-Currila, duke bllokuar rrugën, ndërsa qarkullimi i mjeteve ka devijuar vetëm në një korsi.
Kodër Vila prej disa vitesh vuan pasojat e erozionit pasi përbërja e saj argjilore ka sjellë shkarje dherash. Rehabilitimi i saj përfundimtar kërkon miliona euro dhe bashkia e Durrësit ka bërë me dije zyrtarisht se nuk mund të investojë në rehabilitim, por vetëm në mirëmbajtje.
Është e dhimbshme për të gjithë durrsakët teksa shohin që një ndër zonat më të preferuara të tyre, rrezikon seriozisht dëmtimin e saj të plotë.
https://durreslajm.al/aktualitet/nami-ne-currila-shihni-si-rreshqasin-dherat-nga-kodra-videofoto
