Deklarata e Ramës për një president të përbashkët Shqipëri-Kosovë që do të unifikonte unitetin e dy popujve ka ngjallur reagime edhe në Serbi.
Kryetari i Partisë Kombëtare Serbe, Nenad Popoviç është shprehur se deklarata e Ramës është kundër paqes në rajon dhe përfaqëson një akt armiqësie ndaj Serbisë dhe popullit serb ndaj duhet të shpallet “person non grata”.
“Deklarata e Kryeministrit shqiptar Edi Rama se Shqipëria dhe shteti i rremë i Kosovës do të kenë një politikë të jashtme të përbashkët dhe president, është e drejtuar kundër paqes në rajon dhe përfaqëson një akt armiqësor ndaj Serbisë”, ka thënë ai duke shtuar se kjo është një tendencë për krijimin e Shqipërisë së Madhe.
