Kristiano Ronaldo ka vendosur të largohet nga Reali dhe Manchesteri është destinacioni që ai dëshiron.
Reali nuk do të bëhet pengesë për largimin e tij në qoftë se kërkesat ekonomike plotësohen, por Perez ka edhe një kusht tjetër. Më parë në Madrid duhet të mbërrijë ylli brazilian, Nejmar.
Situata është e ngjashme me atë të verës por vetëm se kësaj radhe protagonist nuk është Mbape. Në qoftë se sulmuesi francez do të kishte ardhur në Madrid, kjo gjë do i kishte hapur derën Kristianos për t’u larguar.
Florentino Perez është koshient për vështirësinë e të sjellurit të Nejmar në Madrid, pasi cështja është shumë e komplikuar, sepse presdenti i PSG-së më parë ka deklaruar se kalimi i brazilianit në Madrid është “i pamundur”.
Por Perez ka në dorë “asin nën mëngë”, që është pesë herë fituesi i Topit të Artë, i vetmi që mund të joshë Al Khelafin të heqë dorë nga Nejmar.
Sipas “El Larguero” Reali dëshiron të ulë çmimin e transferimit të brazilianit, duke përfshirë në ofertë Kristiano Ronaldon. Perez e shfaqi hapur interesin për Nejmar, edhe pas fitimit të Topit të Artë nga Ronaldo, dhe presidenti nuk do të ndalet deri sa të arrijë të sjellë në Madrid “fiksimin” e tij të vjetër.
http://www.panorama.com.al/sport/ronaldo-mendon-largimin-nga-reali-shkak-behet-nejmar/
