Presidenti maqedonas, Gjorge Ivanov e ka cilësuar antikushtetues ligjin për gjuhët që zyrtarizon gjuhën shqipe në Maqedoni.
“Më 11 janar të vitit 2018, Kuvendi i Maqedonisë e votoi ligjin për përdorimin e gjuhëve pa debat publik, pa përfshirjen e ekspertëve akademikë dhe pa opozitën. Në fjalimin e fundvitit theksova se ky ligj është sjellë me flamur europian. Me miratimin e këtij ligji është keqpërdorur flamuri europian, i cili i ndryshon sistemet ligjore”, deklaroi Ivanov.
Ivanov nuk ka pranuar të firmosë pasi sipas tij ligji rrezikon karakterin unitar të shtetit, sovranitetin dhe integriten territorial të Maqedonisë.
Ligji do të kalojë sërish në Parlament, dhe në rast se miratohet sërish do të hyjë në fuqi pa u ndalur dot pga vetoja presidenciale.
