Kryetari i PDIU-së pret në takim kryetarin e Komunës së Prishtinës, Shpend Ahmeti
Kryetari i PDIU-së, Shpëtim Idrizi, priti në një takim kryetarin e Komunës së Prishtinës, Shpend Ahmeti. Kreu i PDIU-së, njëherësh edhe nënkryetar Kuvendi, vlerëson si shqetësuese situatën poltike në Kosovë duke theksuar problemet e pazgjidhura me çështjen shqiptare në Rajon.
Në takim me Ahmetin, Idrizi tha se Presheva i ngjan një çamërie të kohëve tona. Idiriz tha gjithashtu se duhet një reagim kombëtar për zgjdihjen e çështjes shqiptare në Rajon. Si nënkryetar i Kuvendit dhe kryetar i PDIU-së, Idrizi theksoi se politika shqiptare nuk mund të qëndrojë indiferente për atë çfar ndodh në Kosovë.
“Për Çështjen e Kosovës, Shqiptarëve në Maqedoni, Mal të Zi dhe Çamëri duhet një reagim kombëtar. Shqipëria s’mund të jetë pasive për çfarë ndodh në Kosovë, për Zajednicën, demarkacionin me Malin e zi apo për Preshevën, që i ngjan një Çamërie të kohëve tona”, tha Idrizi.
Një pikë e rëndësishme diskutimi mes tyre ishte dhe reforma ne drejtësi ku, Z. Idrizi ju bëri thirrje dy forcave politike në vendin tonë miratimin sa më shpejtë të kësaj reforme. Gjithashtu, Z. Idrizi falenderoi Z. Ahmeti për organizimin e javës Çame në Prishtinë e kthyer tashmë në traditë.
Nga ana e tij, Z. Shpend Ahmeti, vlerësoi punën dhe përpjekjen e Z. Idrizi për Çëshjen Çame dhe përfaqësimin dinjitoz të këtij komuniteti nga ana e Kryetarit te PDIU-së. Projektet e ardhshme për Komunën e Prishtinës ishin një pikë tjetër diskutimi gjatë këtij takimi.
