Hudea ishte vetem 4 vjeç dhe ndodhej në kampin e refugjatëve Atmeh në Siri, në dhjetorin e vitit 2012. Fotografi Osman Sagirli që shkrepi këtë fotografi u shpreh: “Po përdorja një lente telefotoje dhe ajo mendoi se ishte armë”.
“E kuptova se ishte e tmerruar, për shkak se kafshoi buzën dhe ngriti duart. Normalisht fëmijët vrapojnë për t’u larguar, fshehin fytyrën ose buzëqeshin kur shohin një kamera”.
Imazhi u publikua për herë të parë në një gazetë turke në janar, ku Sagirli ka punuar prej 25 vitesh duke dokumentuar luftërat dhe katastrofat natyrore jashtë vendit.
