Një 23-vjeçar është gjetur i pajetë pasditen e sotme në Vlorë. Policia ka konstatuar se në një godinë të braktisur ndodhej i shtrirë dhe i pajetë shtetasi E.D., 23 vjeç.
Dyshohet që shtetasi të ketë konsumuar lëndë narkotike pasi nga këqyrja paraprake e kufomës, është konstatuar në pjesën e barkut një shiringë.
Trupi është transportuar në morgun e spitalit Vlorë për të kryer ekspertizën mjeko- ligjore, për të përcaktuar shkakun e saktë të humbjes së jetës.
Grupi hetimor po punon për zbardhjen e plotë të rrethanave të ngjarjes
