Korçarët e Skënderbeut po e menaxhojnë më së miri potencën që të japin pesë tituj kampionë në radhë dhe kanë filluar të driblojnë mjaft mirë jo vetëm në fushë, por edhe jashtë saj. Vendimet e arbitrave në më shumë se një ndeshje ndaj Tiranës i kanë dhënë pikë të plota skuadrës së Josës, ndërkohë që nëse kanë preferenca për bilbilin në fushë, gjithmonë i plotësohen. Kështu korçarët kanë kërkuar që në ndeshjet ndaj skuadrave kryeqyetase të mos kenë arbitra nga Tirana dhe deri tani ia kanë arritur. Ndërsa në prag të ndeshjes ndaj Partizanit, një 90 minutësh që mund të përcaktojë edhe titullin, flitet se drejtuesit e badhekuqve i kanë ofruar një parakontratë dy lojtarëve nga më të rëndëshmit të formacionit të kuq, Mentor Mazrekajt dhe Idriz Bathws, por janë të interesuar edhe për shërbimet e Fejzullahit. Lajmi është servirur nga burime brenda klubit kampion dhe nuk është konfirmuar zyrtarisht, por as përgënjeshtruar… Sidiqoftë, kryendeshja e së hënës tashmë është vetëm çështje orësh dhe pazaret në këtë kohë nuk ka se sit ë cilësohen “fair play”.
