Flamurtari u ndal dje në një barazim me Kukësin, ndërsa presidenti Sinan Idrizi u shpreh se stadiumi pa tifozë ishte si një funeral, ose si funerali i Dukes.
“Në sfidën kundër Kukësit, Flamurtari më krijoi emocione. Po flas si tifoz, sepse nuk hyj dot në çështje teknike, pasi nuk e zotëroj këtë kompetencë.
Unë nuk hyj kurrë në dhomat e zhveshjes. E kam takuar ekipin ditën e djeshme, por nuk kam folur për futboll. Fola vetëm për diellin e Vlorës. Stadiumi pa tifozë?
Ishte si një funeral, më saktë funerali i zotit Duka, pikërisht ai që zbras stadiumet e Shqipërisë dhe që dënon një qytet të tërë”, tha presidenti i klubit të Flamurtarit në RTSH.
Flamurtari u dënua për të zhvilluar 3 ndeshje pa tifozë për shkak të një parrulle.
