Gjatë një vizitë zyrtare në Vlorë, ambasadorja greke, Eleni Sourani ka preferuar të mos japë deklaratë politike rreth situatës së krijuar në vend. Sakaq, çështja më e rëndësishme për të dhe shtetin grek mbetet ajo e Himarës.
Në takimin e sotëm me prefekten e Vlorës, Etjona Hoxha ambasadorja ka kërkuar garanci për trajtimin e çështjes së Himarës me më shumë prioritet.
“Jam këtu për një takim të mirëfilltë bashkëpunimi, me Vlorën dhe zonat e saj periferike. Jemi të interesuar për të pasur një marrëdhënie të qëndrueshme mes dy shteteve. Po shohim bashkëpunimet edhe me Bashkinë e Vlorës, universitetin etj. Banorët e Himarës duhet të trajtohen me kujdes të veçantë dhe për më tepër projekt të mos i cënojnë këta të fundit. Shteti grek është i vëmendshëm për të gjitha zonat minoritare dhe jo vetëm Himara”, deklaroi ajo.
E pyetur rreth deklaratave të ministrisë së Jashtme greke, ambasadorja theksoi se vjen për herë të Vlorë dhe nuk do të preferonte të bënte komente politike. Ndërkohë prefektja e Vlorës, garantoi se projekti do të ecë përpara ashtu si edhe një numër i konsiderueshëm projektesh të cilat kanë gjetur zbatim në Qarkun e Vlorës.
Banorët e Himarës kundërshtojnë projektin e shëtitores, ndërsa ka pasur kërcënime edhe nga Greqia me bllokim të integrimit nëse nuk shikohet cështja me prioritet.
/shqiptarja.com/
