Pas shtyrjes së seancës për vendosjen e fatit të imunitetit të Saimir Tahirit, ka reaguar kryetarja e LSI, Monika Kryemadhi, ku ka kërkuar nga qeveria që të herë dorë nga sulmet mbi drejtësinë.
Përmes një deklaratë për mediat, Kryemadhi shtoi ky kryeministër ka gëlltitur kusinë e çorbës së prishur deri në lugën e fundit.
“Rama dhe shumica sot kanë humbur mundësinë për të treguar vullnet që drejtësia të bëjë punën e saj. Të gjithë u bënë dëshmitarë të qëndrimit të paprecedentë duke penguar zbardhjen e një veprimtarie kriminale me dimension ndërkombëtar.
Ky kryeministër ka gëlltitur kusinë e çorbës së prishur deri në lugën e fundit. Kryeministri dhe Haki Çako vazhdojnë të jenë në detyre si garant të krimit dhe drogës, cdo ditë në vazhdim e qëndrimit të tyre është e bardhë për trafikantët dhe e zezë për qytetarët shqiptarë. I bëj thirrje të heqin dorë nga sulmet presionet dhe shantazhet që i ushtrojnë drejtësisë”, deklaroi ajo.
