Ish-shefi i antidrogës në Fier, Dritan Zagani u shpreh se lidhjet mes Habilajve me Saimir Tahirit i ka mësuar kur e informuan se një gomone që ata mirëmbanin ishte në pronësi të tij.
Gjithashtu ish-shefi i antidrogës akuzoi se Saimir Tahiri sa herë shkonte në Vlorë, drekonte me Habilajt. “Unë kam njohje me këtë grup që në vitet 98’. Merreshin që në atë kohë me trafikun e drogës.
Lidhjen e tyre farefisnore me Saimir Tahirin e kam mësuar rastësisht. Një skaf që këta e mirëmbanin mua më figuronte në pronësi të Saimir Tahirit deputet i opozitës në atë kohë. Saimir Tahiri sa herë vinte në Vlorë hante drekë me ta, me Moisiun dhe Habilajt”, deklaroi ai në opinion. Dritan Zagani ndodhet në Zvicër ku ka fituar azil politik pas denoncimeve për lidhjet e Tahirit me Habilajt.
Ai tregon një moment kur është kërcënuar nga grupi “Habilaj”. “Unë bashkë me dy persona nga Tirana shkuam në një lokal. Aty ishte dhe grupi i Habilajve. Pronari i lokalit emrin e të cilit nuk dua që ta bëj publik këtu, më tha që drekën e paguaj unë ngrihu nga lokali dhe ik. I them pse?
Me tha ka mundësi të ikësh sepse nuk dua sherre në lokal. Çfarë sherri po të bëj i thashë nuk po të kuptoj. Brenda më tha janë një grup çunash, dhe unë di se si po i mbajë sepse duan të të fusin thikën pas shpine”.
/Shqiptarja.com/
