Kur jemi një ditë para ndeshjes së rëndësishme ndaj Italisë, mbeturina të ndryshme kanë tejmbushur kontenierët e mbetjeve tek stadiumi. Fotot janë bërë në orën 16:20, të datës 8 tetor vetëm pak orë para se kombëtarja italiane të mbërrinte në stadiumin “Loro Boriçi” për të dhënë një konferencë për mediat.
1.200 tifozë italianë, që pritet të jenë te pranishëm nesër në Shkodër, do të përballen me një pamje të tillë. Për më tepër sonte trajneri i kombëtares italiane dhe njëri prej lojtarëve do të zhvillojnë konferencën për shtyp në ambientet e stadiumit “Loro Boriçit”.
E teksa do të mbërrijnë në stadium do tu duhet të kalojnë pranë këtyre mbetjeve. Një situatë e tillë dhe papërgjegjshmëri totale nga ana e Bashkisë Shkodër ka qenë prezente edhe në ndeshjet e Përfaqësuesës së Kosvës, por përsëritet edhe kur luan Kombëtarja Shqiptare, e përballë kemi një nga ekipet më të mirë në Botë, si Italia.
Në vend që Bashkia Shkodër të organizonte ndonjë aktivitet apo koncert muzikor për të grumbulluar të ardhura, por edhe për të bashkuar tifozeritë, ky institucion nuk është në gjëndje as të pastrojë territorin pranë stadiumit “Loro Boriçi”.
/shkodra.news/
