Teksa po bëheshin gati të zbrisnin në tokën shqiptare pas ndeshjes së humbur kundër spanjollëve, lojtarët e kombëtare janë përballuar me çaste paniku.
Moti i keq ka krijuar vështirësi në uljen e avionit duke bërë që për rreth 25 minuta të fluturonte pranë tokës në kërkim të momentit të duhur për të zbritur.
Ka qenë Kulla e Rinasit që ka shtyrë uljen dhe i ka dhënë urdhër avionit për të qëndruar në ajër.
Më pas kushtet atmosferike janë përmirësuar dhe futbollistët tanë kanë zbritur në tokën shqiptare shëndosh e mirë.
Shqipëria luan kundër italianëve me datë 9 tetor në Shkodër.
