Kryetari i Partisë Demokratike, Lulzim Basha është përjashtuar nga punimet e seancës së Kuvendit për 10 ditë, pas dy vëretjeve dhe paralajmërimeve të kryetarit të Kuvendit, Gramoz Ruçi.
Shkak për përjashtimin nga Kuvendi është bërë pasi kryetari i PD bllokoi foltoren e Kuvendit, pas vendimit me shumicë votash të shumicës, për të shtyrë diskutimet dhe ngritjen e komisionit të reformës zgjedhore seancën e ardhshme parlamentare.
Ndërsa nga ana tjetër, LSI insistoi për shtyrjen e seancës pasi nuk ishte njohur me projektvendimit, qëndrim i cili mori dakordësinë e socialistëve.
Ora 13:00 Ruçi shtyn seancën për në orën 18:00
Refuzimi i kryetarit demokrat për të lënë sallën e Kuvendit bëri që Ruçi ta shtyjë seancën për në orën 18:00.
Ora 11:45 Ruçi ndërpret seancën deri në 13:00, deputetët e PD nuk lënë sallën
Ndërkohë që kreu i Kuvendit, Gramoz Ruçi njoftoi ndërprerjen për herë të tretë deri në 13:00, deputetet demokratë nuk kanë lëvizur nga vendi.
