Pasi ka grumbulluar komplimente dhe vlerësime në vendin e tij, trajneri i Kombëtares, Xhani de Biazi është kthyer në Tiranë. Çmimin e marrë nga shkolla e Koveçianos, tekniku ynë ia dedikon punës së përbashkët me FSHF-në, bashkëpunëtorëve të tij, por edhe skuadrës që drejton. “Pikërisht për këtë, shkolla e Koverçianos më ka dhënë çmim, për punën e bërë këtu”, ka thënë de Biazi për “Supersport”. Tani tekniku do të ndjekë disa ndeshje të kampionatit, si do të fillojë punën për të përgatitur miqësoret e 26 dhe 29 marsit, që do të luhen ndaj Austrisë në Vienë dhe pas tri ditësh në në Luksemburg. Ndërkohë de Biazi ka bërë me dije se ka komunikuar me të gjithë trajnerët e skuadrave italiane që kanë futbollistë të Kombëtares tonë, si dhe është ndalur tek talenti Rashica. Ai është titular tek Viteshe dhe do ta thërrasë për ndeshjen ndaj Luksemburgun, më pas do të luajë për përfaqësuesen U-21 ndaj Greqisë, sipas një marrëveshje me trajnerin Jupi. Së fundi batutat me Piolin e Lacios. “I kërkova me humor të aktivizonte më shumë Etrit Berishën, pasi më duhej për në Europian dhe ai m’u përgjigj po me shaka: Po më çmend me këto kërkesa”, përfundon Xhani de Biazi.
