Nga Ilir Seci
– “Mirëmbrama! A asht kjo Piceria e Ninos?”
Google : “Jo zotni, kjo asht Piceria e Google.”
– “Më falni zonjë…i paskam ra numrit gabim më duket?”
Google : “Jo zotni, Google e ka ble Picerinë e Ninos.”
– “Po mirë atëhere pra, deshta me e porositë nji picë.”
Google : “Si urdhno zotni! Do me porositë të zakonshmen?”
– “Si të zakonshmen? Ku e dini ju se çka porositi unë zakonisht?”
Google : “Simbas numrit të telefonit që po bani thirrjen, 17 herët e fundit që keni thirrë Picerinë e Ninos, ju çdo herë keni porostitë picë të madhe, me dy shtresa djathi dhe me proshutë.”
– “E saktë. Njatë e marr gjithmonë aty.”
Google : “A mundem me të rekomandu nji tjetër lloj pice zotni? Nji picë ma të vogël vetëm me djathë ricotta dhe perime!?”
– “Jo, jo, i urrej perimet!”
Google : “Mund t’i urresh, por janë të mira për kolesterolin… Ju nuk e keni mirë punën me kolesterolin zotni!”
– “Ku e dini ju se si e kam unë kolesterolin!?”
Google : “Rezultatet e përgjigjjeve tua doktori t’i dërgon në emailin që ke me Google Mail… në emaila janë rezultatet e 5 viteve të fundit.”
– “Jeni të saktë…, por unë prapë nuk du me porositë picë me perime. Ia kam gjetë anën kolesterolit, jam t’u marrë ilaçe, 1 kokërr në ditë.”
Google : “Sipas të dhanave tona ti nuk je t’u i marrë ilaçet rregullisht, sepse këtu na del që para 3 muejve ke ble online në farmaci një kuti ilaç kolesteroli me vetëm 30 kokrra.”
– “Kam ble tjera ilaçe prej nji tjetër farmacie.”
Google : “Nuk rezulton kurrkund në të dhanat tona që ti ke përdorë kartën e kreditit me ba pagesë zotni.”
– “Kam pague me pare në dorë, jo me kartë.”
Google : “Sipas statementit të bankës që të vjen në email zotni, në Google Mail, nuk ka të dhana që ju keni terheqë aq pare sa me ble ilaçet me lekë në dorë.”
– “Kam edhe mundësi tjera me pasë pare të thata në dorë… nganjiherë punoj privat.”
Google : “Ashtu… këto të ardhuna nuk paraqiten në formularet e taksave që deklaron për shtetin, vetëm nëse ato pare të vijnë nga ndonji burim i padeklaruem të ardhunash.”
– “Boll pashë besën e Zotit se na çmendet! S’ka mbetë ma fija e privatësisë… Google nji anë, Facebook në tjetrën, Twitter, Instagram, WhatsApp, Viber. Jena ba me hupë për besë! M’u ka mbushe mendja top me gjetë ndonji ishull diku lerg, pa internet, pa celularë, që mos me mujtë kush me më spiunue ma.”
Google : “E kuptoj zemërimin tand zotni.
Vetëm se për me udhëtue ka me t’u dashtē me rinovue pasaportën… të dhanat tona diftojnë se për 3 javë të skadon pasaporta.” …
