Një ngjarje e rëndë ka ndodhur ditën e djeshme në Tiranë, ku një foshnjë 4 muajshe ka ndërruar jetë dje në pediatrinë e QSUT-së .
Lajmi i rëndë ka tronditur familjarët, ndërsa i ati 36-vjeçar i foshnjes në gjendje të rënduar psikologjike, është rrëzuar dhe ka dëmtuar monitorin kardiat të reanimacionit.
Policia e ka proceduar atë për këtë incident.
Njoftimi i policisë
Më datë 25.09.2017, u referuan materialet në Prokurorinë e Rrethit Gjyqësor Tiranë, për shtetasin V.Z vjeç 36 banues në Tiranë, pasi dyshohet se në QSUT, te urgjenca e pediatrisë, duke qenë në gjendje të rënduar psikologjike, për shkak të vdekjes së fëmijës 4 muajsh, aksidentalisht është rrëzuar, për pasojë ka dëmtuar monitorin kardiak të reaminacionit. Neni 161 i Kodit Penal.
