4.5 milion lekë dëm buxhetit, KLSH padit në prokurori drejtorin e ARRSH-së

Sipas KLSH-së, Dashamir Xhika, akuzohet se rriti artificialisht fondin limit të prokurimit “Studim, projektim zgjerimi i Superstradës Tiranë – Durrës” në vlerën 100,001,686 Lekë

Prokuroria do të hetojë drejtorin e Përgjithshëm të Rrugëve për një dëm prej 634 milionë lekë ose 4.5 milionë euro në buxhetin e shtetit. Për këtë akuze, drejtori i Autoritetit Rrugor Shqiptar, Dashamir Xhika, është paditur sot në prokurori nga Kontrolli i Lartë i Shtetit.

Lexo edhe

Ushtrimet fizike që ju eksitojnë për 3 minuta –

Vuçiç ishte në ambasadën ruse në Beograd kur u rrëmbyen 3 policët shqiptarë –

Shtëpia e Bardhë konfirmon vizitën e Blinken në Pekin –

Sipas KLSH-së dëmi ka ardhur kryesisht nga mungesa e supervizimit gjatë zbatimit të projekteve në infrastrukturën rrugore. Shkeljet kanë të bëjnë edhe me projektin e zgjerimit të superstradës Tiranë- Durrës.

Nga auditimi rezultoi që fondi limit i prokurimit “Studim, projektim zgjerimi i Superstradës Tiranë – Durrës” është rritur artificialisht në vlerën 100,001,686 Lekë çka konsiderohet dëm ekonomik në buxhetin e shtetit.