“Azili në vendet e Bashkimit Europian për shqiptarët është i pamundur”.
Është kjo deklarat e përbashkët e zëvendësministrit të Brendshëm, Stefan Çipa dhe Drejtorit e Policisë së Shtetit, Haki Çako.
Çipa dhe Çako ishin sot në aeroportin “Nënë Tereza” kanë ku janë riatdhesuar nga Franca, 30 shtetas shqiptarë.
“Vazhdojmë në mënyrë intensive bashkëpunimin me të gjithë partnerët dhe vendet e Bashkimit Evropian, të cilat e kanë bërë të qartë se azili në vendet e BE-së është i pamundur”, është shprehur Drejtori i Përgjithshëm i Policisë së Shtetit Haki Çako.
Çako gjithashtu ka shtuar se të gjithë shtetasit shqiptar që kanë kërkuar azil në vendet e BE-së janë të detyruar të kthehen në Shqipëri.
“Policia do të vazhdojë të hetojë të gjitha agjencitë dhe grupet të cilat udhëzojnë shtetasit shqiptar për azil në BE”, tha Çako, i cili shtoi se shumë vende të unionit ofrojnë mundësi reale për punësim, por azili nuk është mënyra e duhur.
Çako ka bërë të ditur se ka edhe në vende të tjera shtetas shqiptar që do të riatdhesohen.
