Bardh Spahia ka “sulmuar” disi me ironi ministren e Shëndetësisë Ogerta Manastirliu, përsa i përket deklaratës së saj në lidhje me urgjencat kirurgjikale që janë bërë gjatë kohës së pandemisë.
Manastirliu përmes një shënimi në facebook tha se gjatë kësaj kohe tek spitali i Traumës janë bërë 29 mijë urgjenca kirurgjikale, shifër kjo për ish-deputetin demokrat e paimagjinueshme.
Ai thotë se është jashtë çdo imagjinate që në 6 muaj të bëhen 29 mijë urgjenca kirurgjikale, pasi me një pjestim të thjeshtë janë 4833 në muaj, 161 në ditë. Duke konsideruar që gjatë pandemisë shumë njerëz kanë qenë në izolim dhe Trauma ka qenëpjesërisht funksionale.
Postimi i plotë i Spahisë:
OGERTA DHE ARITMETIKA E MASHTRIMIT!!!
Cuditë nga ministrja e shëndetësisë nuk kanë të mbaruar! As nuk merr vesh nga kjo fushë, por as përpiqet ta kuptojë sado pak dhe lëshon budallallëqe të nivelit olimpik, si mburrja se në Spitalin e Traumës qenkan bërë prej fillimit të epidemisë 29 mijë urgjenca kirurgjikale!!!!
Mesa duket ministrja është po aq e paditur edhe në aritmetikë, sepse ajo shifër tejkalon cdo imagjinatë. Së pari është aritmetikë e thjeshtë. 29 mijë ndërhyrjet që pretendon Ogerta, nëse pjesëtohen me 6 muaj të epidemisë, del shifra 4833 (ndërhyrje në muaj). Po ta pjesëtosh në 30 ditë që ka muaji, i bie që sipas Ogertës, në Spitalin e Traumës të jenë bërë 161 ndërhyrje kirurgjikale në ditë!!!! Dhe kjo edhe në kushtet, kur ndryshe nga sa e fsheh apo nuk e di Ogerta, prej datës 18 Maj deri në 13 Korrik, kirurgjia e QSUT ka qenë krejtësisht funksionale, pra ndërhyrjet kirurgjikale nuk kanë qenë ekskluzivitet i spitalit të Traumës!!!!
Ose injoranca është edhe më e madhe, nga sa mund ta imagjinojmë, ose pastaj mashtrimi është kthyer në mënyrë jetese e nuk njeh më asnjë kufi, as njerëzor e as llogjik!
Abuzim dhe mashtrim, kaq kanë bërë në 7 vite sepse nuk njohin asnjë mënyrë tjetër pune! Modeli Edi Rama është fatkeqësi e kosto për shqiptarët!
#25prill#MePDshpresëpërShqipërinë
