Situata në Kinë për sa i përket epidemisë së koronavirusit sa vjen dhe përkeqësohet teksa numri i viktimave ka arritur në 217, ndërsa i të infektuarve është rritur me 2000 brenda 24 orësh dhe numërohen mbi 9600 të tillë.
Këto shifra alarmante detyruan Organizatën Botërore të Shëndetit të shpallë ditën e djeshme gjendjen e emergjencës globale dhe iu bëri thirrje të gjitha shteteve të marrin masa për të parandaluar përhapjen e virusit si dhe të ndihmojë vendet që janë më të dobëta në shëndetësi.
Autoritetet italiane konfirmuan një ditë më parë se 2 turistë kineze kanë rezultuar të prekur nga koronavirusi dhe për këtë arsye ato janë izoluar në spitalin Spallanzani në Romë. Turistët ishin nga Wuhan.
Mësohet se autoritetet italiane ndërprenë fluturimet e drejtpërdrejt për në Kinë, në një afat të pacaktuar, deri sa situata të qetësohet.
