“21 prilli dita më e vështirë e jetës time”, Gazment Bardhi flet për ngjarjen e rëndë në Elbasan: Përgjegjësi i vetëm është Taulant Balla

Duhet të lëçisni

A ka qenë drejtoreshë në ministrinë që drejtohej nga Fatmir Mediu? Reagon për herë të parë Eli Fara

Reagimi i plotë i Eli Farës: Zoti me ka bekuar me zerin qe me fali , gjith jeten time ia kam kushtuar artit te kenges!...

Skuadra italiane pushtohet nga Covid-19, gjashtë pozitivë brenda grupit

Problemet nga Covid-19 janë përsëri të pranishme tek Empolit. Klubi toskan, përmes një deklarate zyrtare, njoftoi pozitivitetin ndaj Covid-19 të gjashtë pjesëtarëve, që i...

Policia aksion në Tiranë, arrestohen dy persona

Dy persona janë arrestuar nga policia në Tiranë pasi akuzohen se po transportonin emigrantë të huaj nga Tirana drejt Kukësit me qëllim kalimin e...

Zyrtarët e shëndetësisë tanimë janë të bindur: Varianti Delta, mes sëmundjeve më ngjitëse që shkenca njeh!

Zyrtarët amerikanë të shëndetësisë po vazhdojnë paralajmërimet për rrezikshmërinë e variantit Delta të koronavirusit, për të cilin thonë se është ndër viruset më ngjitëse...

Drejtuesi politik i qarkut të Elbasanit për zgjedhjet parlamentare të 25 prillit, Gazment Bardhi i është drejtuar me një mesazh qytetarëve të Elbasanit duke i falenderuar për mbështetjen e treguar për partinë e tij.

Bardhi fillimisht deklaroi se Elbasani u bë shtëpia e tij dhe do të ngelet gjithmonë në zemrën e tij, duke shtuar se angazhimi i të rinjve ka qenë forca e PD-së për këtë fushatë.

Por mesazhi i Gazment Bardhit nuk kishte si të mos përfshinte disa rreshta edhe për ngjarjen e rëndë të 21 prillit, kur pas një përplasjeje të armatosur u vra Pjerin Xhuvani dhe u plagosën katër persona të tjerë mes tyre një oficere policie.

Gazment Bardhi e quan 21 prillin si ditën më të vështirë të jetës së tij. Kjo ngjarje, vazhdon më tëj Bardhi, e ka tronditur atë thellë pavarësisht sesi ka ndodhur dhe përgjegjësi e kujt ishte.

Për sa i përket përgjegjësisë për ngjarjen e rëndë ku mbeti i vrarë Pjerin Xhuvani, deputeti tashmë i zgjedhur i PD-së Bardhi deklaroi se fajtori i vetëm është Taulant Balla, që sipas tij edhe këtë ngjarje të rëndë mundohej ta përdorte politikisht.

Statusi: 

Për 4 muaj Elbasani u bë shtëpia ime, dhe do të ngelet qyteti i zemrës edhe pas përfundimit të këtij procesi zgjedhor. Mikpritja dhe hapja e dyerve, qytetaria, kultura dhe dashuria për vendin e elbasanllinjve ishin gjëja më frymëzuese e kësaj fushate për mua. Dëshira dhe angazhimi i të rinjve për ndryshim ishte burimi i forcës tonë në këtë fushatë. Dua t’i falenderoj nga zemra të gjithë pa përjashtim. Të njëjtën ndjesi kam provuar edhe në Librazhd, edhe në Prrenjas, në Cërrik, në Gramsh, në Peqin e në Belsh.

Ne zgjodhëm të ishim krah njerëzve në këtë fushatë dhe të fitonim besimin e tyre pa asnjë presion, shantazh, blerje apo keqpërdorim. Ndërkohë, e vetmja alternativë e palës tjetër ishte dhuna, shantazhi, keqpërdorimi i shtetit, përdorimi i parave të pista, shpifjet dhe sajesat.

Për fat të keq, nga nxitja e Partisë Socialiste për dhunë, në këtë rrugëtim pati edhe ngjarje shumë të rënda. Si drejtues i fushatës së Partisë Demokratike në Elbasan, 21 Prilli ka qenë dita më e vështirë e jetës time. Humbja e jetës së një prindi dhe plagosja e 4 qytetarëve të tjerë, është një ngjarje që më ka tronditur thellë, pavarësisht rrethanave sesi ka ndodhur dhe përgjegjësi e kujt ishte. Çdo njëri prej nesh, përpara se të jetë politikan, është njeri, dhe tek unë qënia njeri është shumë herë më e fortë sesa roli si politikan. Zgjodha të mos i përgjigjem asnjë prej provokimeve dhe akuzave monstruoze të të vetmit përgjegjës për ngjarjen, Taulant Ballës, që edhe një ngjarje të rëndë, ku ka humbje jete dhe plagosje të qytetarëve, kërkonte ta përdorte për të përfituar politikish. Ky lloj politikanësh, nuk ka në fokus njerëzit, por vetëm veten dhe përfitimet personale. Janë të gatshëm të bëjnë gjithçka për të ruajtur pushtetin e paligjshëm.

Në fund të numërimit, rreth 60 mijë banorë të qarkut të Elbasanit na e dhanë besimin, për projektin tonë për një Elbasan të kthyer në normalitet, me më shumë mirëqenie dhe mundësi. Jam shumë i motivuar nga kjo mbështetje që është një nxitje masive për të vijuar me projektin për një Elbasan të qytetarëve, të dijes, e kulturës. Projektin për normalitet. Ato vota janë një thirrje për të kontribuar me gjithë fuqinë time dhe të kolegëve, që ta bëjmë të mundur këtë aspiratë të qytetarëve, në çdo pozitë që do të jemi.

I jam mirënjohës nga zemra atyre që na besuan. Mirënjohje pa kufi për të rinjtë e të rejat, për ekipin, për strukturat e PD, për demokratët që luftuan e rezistuan deri në fund, në një terren ku manipulimi, blerja e votës dhe kërcënimi ishin në maksimumin e vet. Jam i bindur që Elbasani e ka forcën për ta nxjerrë të keqen nga vetja, dhe nuk do të nënshtrohet megjithë makinerinë e mbrapshtë që përdoret për pushtet e interesa personale. Unë e kolegët e mi do të jemi në krah të këtij qyteti e në krah të qytetarëve, në çdo rrethanë dhe në çdo moment, për ti kthyer besimin që na është dhënë.

Më shumë shkrime

E Freskët taze

A ka qenë drejtoreshë në ministrinë që drejtohej nga Fatmir Mediu? Reagon për herë të parë Eli Fara

Reagimi i plotë i Eli Farës: Zoti me ka bekuar me zerin qe me fali , gjith jeten time ia kam kushtuar artit te kenges!...

Skuadra italiane pushtohet nga Covid-19, gjashtë pozitivë brenda grupit

Problemet nga Covid-19 janë përsëri të pranishme tek Empolit. Klubi toskan, përmes një deklarate zyrtare, njoftoi pozitivitetin ndaj Covid-19 të gjashtë pjesëtarëve, që i...

Policia aksion në Tiranë, arrestohen dy persona

Dy persona janë arrestuar nga policia në Tiranë pasi akuzohen se po transportonin emigrantë të huaj nga Tirana drejt Kukësit me qëllim kalimin e...

Zyrtarët e shëndetësisë tanimë janë të bindur: Varianti Delta, mes sëmundjeve më ngjitëse që shkenca njeh!

Zyrtarët amerikanë të shëndetësisë po vazhdojnë paralajmërimet për rrezikshmërinë e variantit Delta të koronavirusit, për të cilin thonë se është ndër viruset më ngjitëse...

Shoqërohet nga policia e Elbasanit djali i Azem Hajdarit, në makinë i gjendet drogë

Është shoqëruar djali i vogël i Azem Hajdarit, i cili mban të njëjtin emër me babanë e tij të ndjerë. Burime  bëjnë me dije se...