Kaq ishte edhe derbi, për të cilin u fol aq shumë gjatë të gjithë javës, deri edhe për detajet më të parëndësishme. Partizani fiton sërish, tashmë me dy gola të shpejtë dhe pa shumë sforco. Ishin dy goditje standarte, e para e ekzekutuar nga Fejzullahu dhe e transformuar në gol nga Sukaj, në të 6’ dhe në të 12’ është vetë Arbnor Fejzullahu, i cili pas një tjetër goditje me kokë e detyron portjerin Edvan Bakaj ta nxjerrë topin përsëri nga porta e tij. Bardheblutë nuk kanë mbrojtje dhe duket se mungesa më e rëndësishme e tyre është Gentian Muça, por as fantazi. Reagimi i Tiranës është i vakët dhe të vetmet raste për t’u përmendur në të gjithë ndeshjen janë ato të minutës së 39-të, pas një pasigurie të portjerit Hoxha dhe 60 sekonda më vonë vlen të përmendet një goditje e Gilman Likës. Në të kundërtën, Partizani e menaxhoi avantazhin në mënyrën më të mirë të mundëshme, madje për t’ia bërë më të lehtë mendoi edhe Elis Bakaj, i cili duroi vetëm gjashtë minuta në fusha dhe u largua nga kartoni i kuq i arbitrit Lorenc Jemini, për absurditetin se nuk e mbajti dot gjuhën. Kështu pas javës së 24-t, Partizani sulmon sërish kreun e renditjes dhe ndodhet plot 13 pikë përpara Tiranës.
Botërori 2026/ Trajneri Silvinjo e Gjimshiti: Sfida ndaj Anglisë e vështirë, por në futboll mund të ndodhë gjithçka
Kombëtarja shqiptare luan nesër ndeshjen e parë kualifikuese për Kupën e Botës ndaj Anglisë, në stadiumin “Wembley”, në orën 20:45....
