150 Organizata Joqeveritare ndërkombëtare dhe kombëtare i janë drejtuar me një letër kryeministrit Edi Rama për të ndaluar ndërtimin e hidrocentraleve në lumin Vjosa.
Sipas një deklarate për media të publikuar nga EcoAlbania mbi lumin Vjosa janë parashikuar të ndërtohen 45 HEC-e, 8 në rrjedhën kryesore të Vjosës dhe 37 në degët e saj.
Shqetësimi kryesor i OJQ-ve është ndërtimi i HEC-it të Kalivaçit, ku Studimi i Vlerësimit të Ndikimit në Mjedis (VNM) për projektin është planifikuar të bëhet brenda afro tre muajve, një kohë jo e mjaftueshme për të përgatitur një VNM të plotë për një projekt kaq të madh.
EcoAlbania thekson se lumi Vjosa është një vend i pasur për biodiversitetin dhe shtëpi për shumë specie të rrezikuara në Europë.
Sipas letrës, qeveria shqiptare mbështet ndërtimin e HEC-it Kalivaç, pavarësisht se edhe Komisioni dhe Parlamenti Evropian i kanë kritikuar vazhdimisht këto ndërtime.
“Ne, organizatat kombëtare dhe ndërkombëtare të mjedisit, i bëjnë thirrje kryeministrit Edi Rama që të pezullojmë menjëherë të gjitha ndërtimet deri në një Vlerësim Strategjik të Ndikimit në Mjedis dhe një Plan të Integruar të Menaxhimit të Baseneve Lumore, i cili merr parasysh aspektet sociale, veçanërisht potencialin për ekoturizmin”, thuhet në letër.
Aksident në Fier! Makina përplaset me motorin, një i plagosur –
Një aksident rrugor ka ndodhur në segmentin Fier–Grecalli, ku një automjet është përplasur me një motomjet. Si pasojë e përplasjes,...
