Zyra e shtypit e Selisë së Shenjtë ka informuar se 13 krerë shtetesh e qeverish kanë konfirmuar deri më tani praninë e tyre në ceremoninë e Shenjtërimit të Nënë Terezës, nesër në orën 10.30 në Sheshin “Shën Pietër” në Vatikan.
Edhe Kreu i Shtetit shqiptar, z. Bujar Nishani, i shoqëruar nga Zonja e Parë, Odeta Nishani janë nisur drejt Vatikanit për të marrë pjesë në ceremonitë që do të organizohen me rastin e Shenjtërimit të Nënë Terezës nga Papa Françesku.
Gjithashtu, Ambasada e Kosovës në Romë informon se në ceremoninë e shenjtërimit të Nënë Terezës, të dielën në Vatikan do të marrin pjesë dhe krerët më të lartë të shtetit të Kosovës.
Do të jenë të pranishëm Presidenti i Republikës së Kosovës z. Hashim Thaci, Kryeministri i Kosovës z. Isa Mustafa e kreu i Parlametit të Kosovës z. Kadri Veseli.
