Këngëtari amerikan, R Kelly është arrestuar të enjten në Çikago nga policia e Nju Jorkut, për abuzim seksual.
Ndaj 52 vjeçarit rëndojnë 13 akuza për abuzime seksuale, përfshirë këtu pornografi dhe pengim i drejtësisë, sipas zyrës së prokurorit të SHBA në Çikago.
Këngëtari i muzikës R&B i ka mohuar akuzat ndaj tij për dekada me radhë. Në 2008 u akuzua për pornografi me të mitur por gjykata e shpalli të pafajshëm. R Kelly u vendos në qendër të vëmendjes muajt e fundit edhe falë dokumentarit “Surviving R Kelly”, në të cilin rrëfeheshin histori mbi abuzimet seksuale të këngëtarit me fëmijë të moshave nga 13-16 vjeç.
