Ish-ministri i Punës dhe Çështjeve Sociale, Spiro Ksera është dënuar me 1 vit e 8 muaj burg.
Gjithashtu, Gjykata e Tiranës ka vendosur që Kserës t’i hiqet e drejta për 5 vite për ushtrimin e funksioneve publike, pas kryerjes së dënimit.
Gjykata ka dënuar me 10 vite burg Artevis Menen, ndërsa dy ish-zyrtarë të tjetër janë dënuar me nga dy vite shërbim prove përkatësisht Elda Kozaj dhe Elisabeta Dodbibaj.
Ministri është dënuar për vjedhje duke shpërdoruar detyrën. Ndaj tij, Prokuroria kishte kërkuar dy vite burgim.
