Shumë e bukur dhe ndoshta e vërtetë. Nëse kjo do të jetë Italia që do të vazhdojmë të shohim, sfiduese, agresive dhe gjithmonë në kërkim të golit, atëherë do të jetë një nga kandidatet kryesore për të fituar titullin e madh në Francë. Kundër Spanjës përfundoi 1-1, por rezultati ishte i padrejtë. Italianët bënë të zotët e shtëpisë në Udine, e rritën paraqitjen e tyre minutë pas minuti, duke vënë në vështirësi iberikët e Del Boskes. Insinje shënon, Bernardeski në formë të shkëlqyer dhe Morata me ide të qarta, ndërsa kundërshtarët ishin pak a shumë e kundërta. Notë negative meriton vetëm Eder, i cili është shumë i ngjashëm me Interin e kohëve të fundit. Ndërsa në krahun tjetër ishte një Spanjë shumë e vogël, e trembur, pa ide si kurrë në dejadën e fundit dhe e paaftë për të bërë dy goditje në portë, madje edhe goli i Aduriz ishte dhuratë e asistentit, i cili lejoi një pozicion të dukshëm jashtë loje. Por përpara se të largohet për tek Çelësi, trajneri Konte ka ende shumë për të bërë për Italinë. “Ajo që po bëjmë me gjithë këtë punë është të ndërtojmë një skuadër komplekse, ku të gjithë të ndihmojnë njëri tjetrin dhe të jenë të barabartë”, thotë pas ndeshjes ish-trajneri i Juventusit që për formacionin përfundimtar do të ketë në dispozicion edhe Markizion e Verratin e dëmtur.
