Ka than' i moçmi: 

“Gjysmë mjeku-vdes njerëzia, gjysmë idealisti-nuk bëhet Shqipëria”.

                                     -Fan Noli

Inva Mula e Vikena Kamenica pro artistëve: Shqipëria pa Teatër? Turp!

Nga Media 0

Artistet e njohura Inva Mula dhe Vikena Kamenica kanë deklaruar se sot në 2018 është e papranueshme dhe turp që artistët të punojnë në këto kushte, që të mos ketë teatër.

Mula shprehet se kjo situatë duhet të ngrihet si problematike dhe të ndryshojë me doemos dhe kjo bëhet me bashkimin e forcave të artistëve.

“Ky vend duhet ta fillojë nga kultura se është e vetmja pasqyrë e bukur dhe e pastër. Është i vetmi eksport i pastër shqiptar kudo në botë vetëm nga artistët. Është e dukshme, e prekshme që ti konfrontohesh me këto artistë të mëdhenj. Kemi artistët tanë të shkëlqyer që perfomojnë kudo në botë. Të mos ketë Shqipëria Teatër? Unë nuk e njoh këtë projektligjin dhe as nuk ma ka varur njeri (më fal që po flas kështu), por gjërat duhet të dalin të vërteta, të mos kamoflohen. Të dalin ashtu siç janë” – ka theksuar sopranoja Mula.

Sopranoja ka theksuar se nuk e njeh projektligjin për artin dhe kulturën, por kërkon që gjërat të mos kamuflohen.

“Është e turpshme në Shqipëri në vitin 2018 të jetohet me këto kushte për një artist, por edhe për një spektator që të shijojë një spektakël. Pse duhet ta bëjmë ne koncertin në pallat kongreseve. Ai është për mbledhje. Pallatin e Kongreseve duhet ta sistemojmë, shtojmë, kamuflojmë, të krijojmë ambientin për të bëtë spektaklin. Bëhet opera “Carmen” në Pallat të Kongreseve, një vepër e shkëlqyer. Pyeteni Vikenën se çfarë ka hequr për të bërë një shfaqje? (jam ftohur-kthen përgjigje Vikena). Ka dalë me bronkopneumoni. E kuptoni, artistët shqiptar të punojnë në kushte që nuk e meritojnë”, shtoi Inva Mula.

Nga ana tjetër Kamenica thekson se shqiptarët e kanë kokën lart prej artistëve që kanë shkëlqyer mbarë botës dhe jo prej ekonomisë apo politikës.

Madje ajo shton se në operën “Carmen” ku ajo luante ishte ftohur, për shkak të kushteve të vështira të punës. “Shqipëria është krenuar me artin, jo me politikanët dhe ekonominë”, tha Vikena Kamenica.

http://shqiptarja.com/home/1/inva-mula-e-vikena-kamenica-pro-artist-ve-shqip-ria-pa-teat-r–turp–468587.html?pos_2

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej