Ka than' i moçmi: 

“Shqiptarët nuk ndahen në të krishterë e në muhamedanë, po ndahen në dy anë: Ana e kombëtarëve, në të cilën ka shqiptarë nga të gjitha besimet, dhe ana e zuzarëve”.

                                    -Faik Konica

Greqi, Demokracia e Re reagon për deklaratat e Bushatit në “Tonight Ilva Tare” (film)

Nga 27.al 0

Nga Robert Goro

Partia më e madhe opozitare greke, Demokracia e Re, ka reaguar ndaj deklaratave që ministri i jashtëm shqiptar, Ditmir Bushati bëri gjatë emisionit “Tonight Ilva Tare”, në TV Ora News.

Si gjithmonë në raste të ngjashme reagimi nënshkruhet nga shefi i departamentit të jashtëm të Demokracisë së Re, deputeti Jorgos Kumutsakos.

“Ministri i jashtëm i Shqipërisë tha se në kuadër të negociatave greko-shqiptare, Greqia po diskuton edhe problemin çam. Ministria e jashtme greke është e detyruar të japë një përgjigje të qartë publike: Janë apo s’janë të vërteta ato që thotë zoti Bushati?”, nënvizon që në hyrje të deklaratës për shtyp deputeti konservator grek.

“Theksojmë se, deri me ardhjen e qeverisë së SYRIZA-s dhe ANEL (Grekët e Pavarur), qëndrim konstant i vendit tonë ishte se problemi çam është një çështje inekzistente, që nuk mund të përbëjë objekt diskutimi në axhendën e marrëdhënieve greko-shqiptare”, vazhdon Kumutsakos.

Dhe shton:

“Gjithashtu, nga deklaratat e ministrit të jashtëm, rezulton se problemet lidhur me të drejtat e minoritetit grek në Shqipëri, shqyrtohen të ndërlidhura dhe të ndërvarura me të drejtat e qytetarëve shqiptarë që jetojnë në Greqi”, vëren Kumutsakos.

Në kohën që Demokracia e Re po insiston prej muajsh që ministri i jashtëm grek të informojë parlamentin mbi ecurinë e negociatave me Shqipërinë dhe Maqedoninë, deputeti konservator e akuzon qeverinë se ushtron diplomaci të fshehtë.

Deri kur forcat politike dhe qytetarët grekë do të informohen nga zyrtarët dhe mediat e vendeve të tjera se çfarë diskuton dhe bën ministria e jashtme greke, drejton pyetjen retorike shefi i departamentit të jashtëm të Demokracisë së Re, në deklaratën e publikuar të mërkurën në mbremje.

http://www.oranews.tv/article/greqi-demokracia-e-re-reagon-deklaratat-e-bushatit-ne-tonight-ilva-tare

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej