Mundësia e fundit për zgjidhjen e krizës politike përmes ndërhyrjes së ndërkombëtarëve do të jetë sot me vizitën e zëvendës ndihmës sekretarin e shtetit amerikan, Hoyt Brian Yee.
Zëvendës ndihmës sekretari i shtetit amerikan, Hoyt Brian Yee, ndodhet prej mbrëmjes së të dielës në Tiranë.
Pas krizës politike 86 ditore dhe pas dështimit të të gjitha negociatave të bëra deri tani, vizita e Hoyt Yee shihet si mundësi e fundit që mund të sjellë normalitetin politik në vend.
Hoyt Yee do të ketë një ditë intensive. Takimin e parë ai do ta nisë me kryeministrin Edi Rama. Pas Ramës, axhenda e takimeve do të vijojë me Metën, Bashën dhe me deputetët kritikë të PD.
Axhenda e takimeve:
Në orën 10:30- takim me Ramën
Në orën 11:30- takim me Metën
Në orën 14:45- takim me Bashën
Në orën 17:00- takim me Patozin, Bregun dhe Topallin
