Këshilli i BE-së ka miratuar listën e vendeve për të cilat hapen kufijtë e jashtëm të Bashkimit Europian prej 1 korrikut.
Në këtë listë nuk është Shqipëria. Gjithashtu në listë nuk janë po ashtu as Kosova dhe Maqedonia e Veriut.
Lista është miratuar me shumicë të cilësuar nga 27 shtetet anëtare të Bashkimit Europian përfshin 14 shtete: Algjeri, Australi, Kanadë, Gjeorgji, Japoni, Mali i Zi, Marok, Zelanda e Re, Rwanda, Serbia, Korea e jugut, Tajlandë, Tunizi, Uruguay.
Këshilli Europian deklaron se për të përcaktuar vendet për të cilat duhet të hiqet kufizimi aktual i udhëtimit, mbulojnë veçanërisht situatën epidemiologjike dhe masat e kontrollit, përfshirë distancën fizike, si dhe çështjet ekonomike dhe sociale.
“Sa i përket situatës epidemiologjike, vendet duhet të plotësojnë kriteret e mëposhtme, veçanërisht:
-numri i rasteve të reja COVID-19 gjatë 14 ditëve të fundit dhe për 100 000 banorë afër ose nën mesataren e BE-së (siç ishte në 15 qershor 2020)
-tendencë e qëndrueshme ose në rënie e rasteve të reja gjatë kësaj periudhe në krahasim me 14 ditët e mëparshme”, thuhet në njoftim ndër të tjera.
