10 persona janë arrestuar nga policia Kantonale e Cyrihut gjatë kontrollit të një klubi nate në Embrach.
Polizeineës.ch bën me dije se 9 prej tyre ishin shtetas shqiptar pa dokumente të rregullta qëndrimi në Zvicër ndërsa tjetri menaxheri i klubit, shtetas serb.
Lokali njihet si klub shqiptar i muzikës ndërsa personi që e menaxhon atë është shqiptar por me shtetësi serbe.
Policia njofton se tetë femra të arrestuara me këtë rast janë këngëtare, kameriere dhe “dama animuese”, të moshave 19 deri 28 vjeçare. Veç tyre është arrestuar edhe një shtetas tjetër i Shqipërisë, 28 vjeçar, i cili po ashtu po qëndronte ilegalisht në Zvicër.
Të gjithë të arrestuarit dyshohen për shkelje të Ligjit për të huajt dhe duhet të merren në pyetje nga prokuroria përgjegjëse.
