Zuckerberg para senatit amerikan: Facebook do jetë gjithmonë falas

Themeluesi i Facebook, Mark Zuckerberg para Senatit, përsëriti se “gjithmonë do të ketë një version të Facebook që është falas”.

Në mes të skandalit të Cambridge Analytica, në të cilin të dhënat e përdoruesit të rreth 87 milionë njerëzve u shitën nga një zhvillues i palës së tretë në firmën Cambridge Analytica të lidhura me fushatën zgjedhore të Trump gjatë zgjedhjeve presidenciale, është folur për Facebook rreth shtimit te një shtrese abonimi.

Skandali ka nxjerrë në dritë thelbin e një problemi që shumë kanë qenë të vetëdijshëm: nëse nuk blini një produkt, ju jeni produkti.

Gjithashtu është argumentuar se abonimet pa reklama mund të shpëtonin Facebook. Dhe ndërsa nuk ka asnjë fjalë për një abonim pa reklama, Zuckerberg krijoi së paku një hapësirë ​​për të në të ardhmen, duke vënë në dukje se gjithmonë do të ketë një version të Facebook që është falas.

“Si e mbani një model biznesi në të cilin përdoruesit nuk paguajnë për shërbimin tuaj?” – pyeti senatori Orrin Hatch duke iu drejtuar Zuckerberg. “Senator, ne shfaqim reklama”- u përgjigj Zuckerberg, shkruan PCW.