Zlatan Ibrahimoviç ka mbëritur më në fund në Milano dhe ky është një rikthim I bujshëm në Itali pasi ka firmosur kontratën për kuqezinjtë.
Mëngjesin e sotëm atij i është rezervuar një pritje spektakolare tifozë të shumtë të cilët po u mblodhën në aeroport ndërsa ai u shoqërua nga një tjetër legjendë e Milanit, Boban.
“Jam shumë i lumtur për rikthimin këtu. Është një emocion i madh për mua. Unë gjithmonë kam thënë që kjo është shtëpia ime” – shkruan Zlatan Ibrahimoviç në rrjete sociale.
Nuk ka asnjë minutë kohë për të humbur pasi është vendosur që po sot suedezi do të bëjë testet mjekësore dhe do të firmosë kontratën ndërsa ditën e nesërme ai do të jetë gati për prezantimin.
Futbollisti është rikthyer në Itali pas dakordësisë me klubin e Milanit për transfertën e tij për 6 muaj por me opsion rinovimi edhe për 1 vit tjetër.
