Një zjarr i fuqishëm ka rënë ditën e djeshme në zonën pyjore në qendrën administrative Skenderbegas. I favorizuar nga era e fortë, flakët kanë shkrumbuar rreth 15 ha sipërfaqe pyjore por dhe drurë pishe.
Pas ndërhyrjes së shërbimit zjarrfikës dhe forcave të shërbimit pyjor, të ndihmuar edhe nga banoret e zonës, kanë bërë të mundur izolimin e zjarrit.
Drejtori i Zjarrfikëses, Ilir Llapushi u shpreh se terreni është tepër i vështirë pasi nuk ka rrugë automobilistike dhe era ka favorizuar flakët. Në vendngjarje kane shkuar edhe forcat e policisë, ku po hetojnë shkaqet e rënies së zjarrit.
