Vatrat e zjarrit në disa zona të vendit nuk kanë të ndalur, ndaj kësaj situate ka reaguar edhe drejtorit i përgjithshëm i Agjencisë Kombëtare të Mbrojtjes Civile, Haki Çako.
Në një deklaratë për median, Çako është shprehur se nga muaji janar në korrik janë evidentuar 329 vatra zjarri.
Ndër të tjera, drejtori i AKMC tha se në shumë raste zjarrvënia ka qënë e qëllimshme dhe se policia po punon për të bërë të mundur arrestimin e tyre.
Çako i ka përcjellë dhe një mesazh bashkive që nuk janë treguar bashkëpunuese në këtë situatë. Ai është shprehur se disa kanë kërkuar ndërhyrjen nga Emergjenca Civile pa i ezauruar të gjitha kapacitetet e tyre, që për të cilin theksoi se është në shkelje të ligjit, duke i paralajmëruar se do të mbajnë përgjegjësi.
“Temperaturat e larta janë shkaku kryesor i zjarreve, por edhe nenglizhenca dhe pakujdesia e banorëve të zonës, në shumë raste ka qenë zjarrvënie e qëllimshme, për të cilën Policia e Shtetit po heton. Në muajin janar deri në korrik janë evidentuar 329 vatra zjarri, ku vetëm për muajin korrik janë janë evidentuar 168 vatra zjarri. Bashkitë më të prekura janë shkodra, Fieri, Gjirokastra, Kuksi, Tirana, Elbasani, etj. Agjencisë Kombëtare të Mbrojtjes Civile gjatë kësaj periudhe ka kryer edhe rolin e kontrolluesit dhe hetuesit. Disa bashki ende sot nuk po përdorin asetet e deklaruara për emergjencat. Bashkitë, të parat që duhet të përballojnë fatkeqësitë. Disa bashki kërkojnë ndërhyrjen e FA pa ezauruar më parë kapacitetet e tyre. Sipas ligjit, FA ndërhyjnë vetëm pas ezaurimit të resurseve në nivel vendor. Bashkitë që nuk zbatojnë ligjin do të përballen me penalitete. Po ndjekim në kohë reale situatën në çdo vatër zjarri. FA janë në gatishmëri të plotë për t’ju përgjigjur çdo përkeqësimi situate. Pushteti vendor dhe Policia të bashkëpunojnë për gjetjen e autorëve të zjarreve”, tha Çako.
