Një zjarr i fuqishëm ka rënë në Njësitë Administrative të Oroshit, në Mirditë.
Sipas informacioneve paraprake mësohet se zjarri ka djegur 3 ha pyje, ndërsa banorët kërkojnë ndihmë për shuarjen e flakëve.
“Janë 5-6 banesa që rrezikohen nga zjarri. Nuk ka ndërhyrë askush nga ajri, sipërfaqja që po digjet nga flakët është e madhe. Jemi në rrezik, kërkojmë ndihmë” shprehet një banor i zonës.
Emergjencat Civile deklarojnë se zjarrfikësit me mjete janë mbështetur edhe nga forca ushtarake dhe forca të bashkisë për të shuar zjarrin, por banorët japin alarmin për rrezikun nga zjarri.
