Flakët e zjarrit kanë përfshirë zyrën e informacionit për qytetarët, mesditën e sotme në Mirditë. Zjarri është pikasur shpejt nga punonjësit e policisë të pranishëm në zyrat e komisariatit duke shmangur përhapjen e mëtjshme të flakëve. Ndërkohë nuk ka pasur viktima ose të lënduar nga zjarri por është dashur të pakten 30 minita punë që zjarri të shuhet plotësisht, ndërsa ende nuk dihet nëse nga flakët është djegur ndonjë dokumentacion me vlerë.
Nga hetimet e para është bërë i ditur se shkak për zjarrin është bërë një shkendijë elektrike. Sipas të dhënave zjarrin e kanë shkaktuar disa radio policie të cilët kanë qenë në karikim, ndërsa në lidhje me ngjarjen kanë nisur hetimet.
