Një zjarr i përmasave të mëdha ka përfshirë këtë të diel venddepozitimin e mbetjeve në landfillin e Bushatit, duke shkaktuar një situatë problematike në zonë.
Flakët janë përhapur me shpejtësi në të gjithë sipërfaqen e landfillit, ndërsa deri më tani mbetet ende i paqartë shkaku i rënies së zjarrit.
Në vendngjarje kanë ndërhyrë menjëherë shërbimet zjarrfikëse, ku aktualisht po operojnë 6 mjete zjarrfikëse. Dy prej tyre janë nga bashkia Shkodër, ndërsa të tjerat kanë mbërritur në mbështetje nga bashkitë Lezhë dhe Vau i Dejës.
Forcat zjarrfikëse po punojnë intensivisht për izolimin dhe shuarjen e flakëve, me qëllim parandalimin e përhapjes së mëtejshme të zjarrit dhe minimizimin e pasojave në mjedis dhe zonat përreth.
