Temperaturat e larta kanë shkaktuar shumë vatra zjarresh në pjesën më të madhe të Europës nga të cilat është përfshirë edhe Kosova.
Vetëm disa minuta më parë në malet e fshatit Kçiq të Mitrovicës janë evidentuar disa vatra zjarri ku nga pamjet e publikuara shihen flakët dhe tymi i madh.
Pamje që vijnë nga fshati Zasellë tregojnë se zjarri në atë pjesë është masiv. Përveç këtij fshati, zjarre janë përhapur edhe në pjesë të tjera të rajonit të Mitrovicës.
Sipas informacioneve paraprake ende nuk dihet nëse këto vatra zjarri janë të qëllimshme apo mund të jenë prej temperaturave tejet të larta që kanë pushtuar këtë javë të gjithë rajonin tonë.
