Deputetja e Partisë Demokratike, Ina Zhupa ka denoncuar ditën e sotme punimet që janë kryer për parkimin nëntokësor në sheshin “Çerçiz Topulli” në Gjirokastër. Zhupa ka publikuar një video ku duket Rama në bisedë me ministren e Turizmit, Mirela Kumbaro dhe atë të kulturës Elva Margariti.
Në bisedë e sipër Kumbaro i thotë kryeministrit se punimet janë vonuar pak pasi në rrënoja janë gjetur gjetje muresh antike por që sipas saj u sistemuan pastaj. Zhupa akuzon ministret dhe kryeministrin se kanë shkatërruan trashëgiminë kulturore.
“Dolën gjetje, gjetje muresh por u sistemuan pastaj”, thotë Kumbaro në video.
“Dolën gjetje muresh poshtë po u sistemuan?!! Deklarata shokuese e Mirela Kumbaros teksa i prezanton Ramës parkimin nëntokësor në sheshin e Çerçizit në Gjirokastër. Gjetje muresh si mund të sistemohen në parkim nëntokësor? Kanë shkatërruar përsëri haptazi trashëgimi kulturore të një qyteti të mbrojtur PASURI UNESCO siç është Gjirokastra“, shkruan Zhupa në Facebook.
POSTIMI I INA ZHUPËS:
