Janë ngritur shumë pikëpyetje se kush do ta drejtojë partinë, pas dorëheqjes së Lulzim Bashës nga posti i kryetarit të Partisë Demokratike, Enkelejd Alibeaj apo ish-kryeministri Sali Berisha. Analisti Artur Zheji është shprehur se vendimi i dhënë nga gjykatësi Agron Zhukri dha një vendim që Berishën e bën të rikthyeshëm në PD.
“Pamë dy pamje, 8 janar dhe fundi i marsit, 24 mars, në harkun e 2 muaj e gjysmë, ne pamë dy anë të ndryshme të së njëjtës medalje. Pamë tentativat për hyrje në PD me sulm dhe pamjet e qetë. Në pak kohë rrodhën gjëra. Por pse duhet të ndodhte 8 janari? Është faji i Berishës apo i Bashës që donte ta pengonte atë hyrje joligjore me çdo kusht, e ndaj vendosi dyert. Çfarë ndryshoi në 3 muaj?! Ishte 6 marsi ai që solli ndryshime. Do ketë një bashkëjetesë të sforcuar me zotin Alibeaj. A do e detyrojë Alibeajn që të dalë prej aty?! Termat që përdori Kaso ishin bardh e zi. Ai tha; nuk ekziston asgjë. Grupi i Rithemelimit ka një strategji dhe një platformë. I ka dyert e hapura; kush do le të vijë. Të ulë kokën, të bashkohet. Të tjerat pastaj nuk pranohen nga grupi i rithemelimit. Disa pikëpyetje kanë vetëm një emër; Alibeaj. Dalin disa deputetë dhe thonë; kur e kam kritikuar unë Bashën, që në 2017-ën. Tani po shohim disa gjynafllëqe. Vendimi juridik i paplotë i shkallës së parë, plus kohën politike në favor, e bën Berishën të rikthyeshëm dhe të patjetërsueshëm. Pse e mori këtë vendim tani zoti Zhukri?! Ai përveçse iu refuzua dorëheqja, se di se kush e mori vendimin që rrëzoi kërkesën e tij. Ai dha vendimin që gjykoi të arsyeshëm ai. Apeli mund të vijë pas 5 vitesh, apo 3 vite, e dimë ne” – u shpreh Zheji.
