Kreu i Komisionit Qendror të Zgjedhjeve, Klement Zguri tha se rezultatet e dhëna nga zëdhënësja e KQZ-së në lidhje me pjesëmarrjen e cila deri në orën 11:00 ishte 12 %, nuk janë zyrtare.
Zguri sqaroi se ato janë të bazuara në komunikime telefonike të sekretarëve të KZAZ-ve me KQZ-në, dhe ende nuk janë konfirmuar zyrtarisht.
Kujtojmë se Zguri ende nuk ka votuar, kur ora shënon 14:00 në procesin që mbyllet në 19:00. I pyetur nëse do ta ushtrojë të drejtën e votës, ai nuk dha një përgjigje për gazetarët.
