Kryeministri grek Kyriakos Mitsotakis ka deklaruar se ne rezervojmë të drejtën për të zgjeruar ujërat territoriale në Kretë dhe më gjerë.
Nga salla e Parlamentit gjatë debatit mbi projekt-ligjin për të zgjeruar zonën bregdetare në 12 milje në detin Jon, Mitsotakis theksoi se Greqia po dyfishoj ujërat territoriale në Jon.
Gjithashtu Mitsotakis ka përmendur edhe homologun e tij Edi Rama, ku sipas tij ky i fundit deklaroi qartë se është e drejtë e Greqisë të zgjerohet me 12 milje.
“Ministri i Jashtëm grek bashkëpunoi me homologun e tij shqiptar dhe tani çdo mosmarrëveshje me Tiranën do të adresohet në një gjykatë ndërkombëtare. Kryeministri i Shqipërisë deklaroi në mënyrë të qartë se shtrirja në 12 milje detare është një e drejtë e patjetërsueshme sovrane e Athinës, duke shtuar një argument tjetër në favor të pozicionit tonë se ujërat e Mesdheut mund të bashkohen në vend që të ndajnë popujt.
Për herë të parë që nga aneksimi i Dodekanezit në 1947, territori grek është zgjeruar me 10%, jo nga shkëputja e territoreve ose në mënyrë të barabartë nga vendet e tjera. Me procedura të bazuara plotësisht në Rregullat e së Drejtës Ndërkombëtare. Ajo u parapri nga hapi i parë për gjiret e mbyllura dhe përcaktimi i EEZ. Sot në agimin e vitit 2021 ne hedhim hapin e dytë të madh. Vendi ynë shtrin dominimin e tij në Detin Jon në 12 milje. Unë kisha njoftuar zgjerimin e ujërave tona territoriale që nga gushti. 4 muaj më vonë detet tona dyfishohen. Një e drejtë plotësisht e përputhshme me të drejtën ndërkombëtare dhe vendin tonë mund të zgjerohet në zona të tjera dhe në Kretë dhe gjetkë, por në një kohë dhe mënyrë që ne do të zgjedhim,” tha ai.
