Dy ditë më parë, në degën e PD në Kamëz u zhvilluan zgjedhjet përmes parimit 1 anëtar, 1 votë, ku morën pjesë 1250 anëtarë, ndërsa fitues u shpall Arjan Hoxha me 788 vota. Hoxha ka qenë prezent në Kuvendin Kombëtar të 18 dhjetorit, i cili u thirr nga Lulzim Basha, si kundërpeshë ndaj Kuvendit të 11 dhjetorit që u thirr nga anëtarësia e PD. Por pavarësisht se kush do të drejtojë degën e PD në Kamëz, Bilbil Bajraktari, që ka mbajtur këtë pozicion deri me 17 prill ka nxjerr një sërë ankesash.
Sipas tij, procesi është manipuluar nga Rithemelimi dhe personi fitues nuk ka dhënë asnjë kontribut në PD. Sipas tij, këtë farsa dhe mashtrime po shërbejnë në përçarjen e PD dhe jo në bashkimin e saj sikur pretendon Komisioni i Rithemelimit.
“Në datën 17 prill në Degën e Partisë Demokratike Kamëz, me një proces krejtësisht të fallsifikuar, Grupi i tellallit dhe mashtrimit të Rithemelimit ka zhvilluar një votim të tipit të Frontit Demookratik, i cili emëroi në krye të tij një person që nuk ka asnjë lidhje me strukturat e PD dhe nuk përfaqëson demokratët e Kamzes, por administratën e Bashkisë së socialistit Rakip Suli.
Pavarësisht investimit të gjithë ish-strukturës së Policisë së Shtetit, demokratët dhe anëtarët e PD, refuzuan këtë farsë dhe këtë proces. Ky proces i manipuluar dhe fals nuk i shërben demokratëve, aq më pak bashkimit të tyre, por i shërben vetëm ndarjes dhe dëmtimit të PD”, shkruan Bajraktari. Ai shprehet se, PD i takon demokratëve dhe asnjë grupi që synon uzurpimin, privatizimin e saj për interesa personale
