Në komunat veriore të Kosovës, në Leposaviq, Zveçan, Zubin Potok si dhe në Mitrovicën e Veriut po mbahen sot zgjedhjet pasi kryetarët dhanë dorëheqjen për shkak të taksës 100 përqind ndaj produkteve me origjinë nga Serbia.
Ditën e sotme, Presidenti Serb, Aleksandër Vuçiç, i ka bërë thirrje të gjithë serbëve në Kosovë që të marrin pjesë masivisht në zgjedhje.
“Le të dalin në zgjedhje, të votojnë sipas ndërgjegjes së tyre, në katër komunat veriore të Kosovës. Le të dalin e të tregojnë se sa e duan Serbinë dhe të tregojnë se do të luftojnë për të ardhmen e atyre. Kjo është lutja ime”, ka thënë Vuçiç.
